文記火鍋

营业中

休息中

阿婆生日我地去咗打边炉，佢一向都钟意打边炉嘅，有时喺屋企都会打。本来话去D比较有特色嘅火锅店，不过讨论完觉得费事食完会难搭车返屋企，所以都系拣喺附近嘅餐厅食。阿妈话行几个街口就有间火锅店，我上网search就发现系文记啦。阿婆钟意味道较清淡嘅汤底，特别系今日谂住叫活鱼刺身打边炉，所以拣咗胡椒花甲锅，费事盖过咗食物特别系海鲜嘅原味。活鱼刺身真系好新鲜，D肉系光亮嘅，肉质晶莹剔透，我地有点豉油食，阿婆就会打边炉，味道一样鲜美。再order咗云吞同埋鱼皮饺、墨鱼滑、手打虾丸、金菇、猪红、唐生菜同埋本地手切肥牛等，都系非常美味。