影片
更多
2023-05-09
66 浏览
🍴小鱼儿 (将军澳)📍将军澳毓雅里7号富丽花园地下3-5号📌 其他分店：尖沙咀金马伦道16号金马大厦1楼.突然想食烤鱼，将军澳依家多咗食烤鱼嘅餐厅，呢间口碑相对都唔错，唔使搭车出去就食到(＾ω＾).🐟 黄金特浓蒜香豆花海鲈鱼 $308烤鱼有4款鱼，口味选择有辣有唔辣。今次试咗唔辣嘅特浓蒜香，海鲈鱼新鲜无腥味，鱼肉厚身嫰滑，冇乜骨啖啖肉。烤鱼都几大条，配菜仲有豆花、宽粉、青瓜片、云耳同豆芽等，汤底好多蒜头同蒜蓉，蒜香味浓。.🥢 宽粉 $36宽粉比常见嘅更加濶身同厚身，非常烟韧有咬口，吸收晒汤汁精华。.🦑 椒盐鱿鱼须 $98鱿鱼须肉质软弹，面层炸酱薄薄的，唔会炸得太干，食落亦唔会有油腻感，配上椒盐同炸蒜，香脆又香口。.🐮 烧潮汕牛肉饼 $23串烧/烧烤款式都几多，烧牛肉饼肉质弹牙，好似牛丸嘅口感。串烧全部可以自选酱料，拣咗沙爹酱，浓郁惹味。.🍢 烧羊肉串 $13羊肉串肉质软嫩，烧得微微焦脆，配孜然粉味道辛香，如果大串啲就更好喇(๑˃̵ᴗ˂̵) .总括而言：餐厅环境干净企理，座位阔落坐得几舒服。除咗主打烤鱼串烧之外，仲有鸡煲、川菜、烧烤、小菜等等，选择多质素亦唔错，最正系近近地就食到(●'◡'●
📍将军澳毓雅里7号富丽花园地下3-5号
📌 其他分店：尖沙咀金马伦道16号金马大厦1楼
.
突然想食烤鱼，将军澳依家多咗食烤鱼嘅餐厅，呢间口碑相对都唔错，唔使搭车出去就食到(＾ω＾)
.
🐟 黄金特浓蒜香豆花海鲈鱼 $308
烤鱼有4款鱼，口味选择有辣有唔辣。今次试咗唔辣嘅特浓蒜香，海鲈鱼新鲜无腥味，鱼肉厚身嫰滑，冇乜骨啖啖肉。烤鱼都几大条，配菜仲有豆花、宽粉、青瓜片、云耳同豆芽等，汤底好多蒜头同蒜蓉，蒜香味浓。
.
🥢 宽粉 $36
宽粉比常见嘅更加濶身同厚身，非常烟韧有咬口，吸收晒汤汁精华。
.
🦑 椒盐鱿鱼须 $98
鱿鱼须肉质软弹，面层炸酱薄薄的，唔会炸得太干，食落亦唔会有油腻感，配上椒盐同炸蒜，香脆又香口。
.
🐮 烧潮汕牛肉饼 $23
串烧/烧烤款式都几多，烧牛肉饼肉质弹牙，好似牛丸嘅口感。串烧全部可以自选酱料，拣咗沙爹酱，浓郁惹味。
.
🍢 烧羊肉串 $13
羊肉串肉质软嫩，烧得微微焦脆，配孜然粉味道辛香，如果大串啲就更好喇(๑˃̵ᴗ˂̵)
.
总括而言：餐厅环境干净企理，座位阔落坐得几舒服。除咗主打烤鱼串烧之外，仲有鸡煲、川菜、烧烤、小菜等等，选择多质素亦唔错，最正系近近地就食到(●'◡'●)ﾉ
张贴
