燒味滷師 (大廈街)

营业中

休息中

疫情關係，好多時都買飯返屋企食，外賣燒味就成為咗我嘅好夥伴，無論係燒味飯或者加送都一流。晚飯時間一去到門口已經好多人排緊隊，因為當時做緊特價，好多街坊都紛紛購買。今次一次過點晒燒鵝、叉燒、鹽焗雞，仲有雞爪、海蜇做冷盤。特別要讚下叉燒，香甜蜜汁味，肉質緻滑，識叫一定係要半肥瘦，有油脂香亦更加嫩。鹽焗雞肉質鮮嫩，就算雞胸位置都唔會乾柴，稍為有少少血絲，但不影響。雞肉肥美，好足料。燒鵝非常入味，唔算好肥，亦唔會成盒都係油，加埋酸梅醬一流，超級下飯，最後食返少少海蜇清下油膩感。