富東閣海鮮酒家

营业中

休息中

今次鼠尾草嚟到呢间街坊酒楼，呢度最出名嘅莫过于几年前已经好多人讲嘅片皮鸭。头先系临近新年嘅时候，片皮鸭仍然大量供应，唔惊冇货，呢度片皮鸭有得拣二食，即系食完皮之后仲攞啲剩低嘅鸭肉炒其他菜食，鼠尾草就拣咗酱炒，葱蒜嘅香味同埋酱汁嘅香味真系好夹，好惹味，不过因为系纯鸭肉嘅部份，所以就会有啲干。而呢度嘅片皮鸭质素都唔错，唯一可以批评嘅系包片皮鸭嘅饼皮有啲厚，食得比较饱，而且配菜嘅葱白同埋青瓜份量都唔太够。另外仲嗌咗一碟炒菜，蒜蓉炒又几有惊喜，简单嘅调味，不过炒出嚟好香。