周師傅點心 (已結業)

太多教书嘅朋友，喺暑假档期即将完结前（但教师嘅暑假其实已经完结），系要聚下。同朋友嘅中间点竟然系深水埗，要谂食埋都几头痕。完全无谂到，唯有去到深水埗先决定。 放工极肚饿，一出地铁行几步就见到周师傅点心，有个hea 包几得意，于是有理无理就入左去，又唔洗等位，可以即刻食。嗌左hea 包。其实系流心奶黄包。食之前玩左一大轮，好搞笑 😂😂😂 笑餐懵。有得玩又有得食，仲唔开心咩。(最衰openrice唔可以share video, 佢呕水𠮶样真系好样衰，好好笑)呢度点心即叫即蒸，最好食嘅系鸡扎，大件鸡夹厚冬菇，热辣辣，好抵食。饮茶一定要食虾子烧卖，一人一粒，刚刚好。点心唔够饱，仲嗌左 脆皮马拉糕同笼仔虫草蒸鸡饭。蒸饭嘅鸡肉又系好大件同滑，同鸡扎件鸡一样咁好食。豉油自己加，我怕咸所以无加，但食到超厉害嘅荷叶清香，即刻谂到「系㖞，已经立秋」🍂甜品当然唔少得。原本想食桂花糕，但店员推介咖啡奶冻糕，见几有特色而喺其他店又无见过，所以嗌嚟食下。奶同咖啡味好均称，配搭得宜，满足。食饱仲同朋友一齐吹水煲剧 ❤️