環境：話明係小店，座位一定會迫d，但都有3至4張卡位枱，不過唔建議坐電視機下面個張卡位枱，因為會俾電視機聲嘈到崩潰，我試過。
服務：同普通茶記差唔多冇乜特別，但食過幾次試過唔止一次收銀找錯錢，仲要多數係找多左錢，睇黎收銀要再小心d先唔會做蝕本生意喇。
衛生：衛生情況一般般，其中有個卡位上面係樓梯底，斜天花上面有唔少塵垢，見到都驚會跌落枱面d野食度。
味道：呢度主要係食碟頭飯同車仔麵，我地分別叫左一個紫菜五寶麵同兩餸麵。
1
6
先講紫菜五寶麵，每樣餸有一件，試完覺得墨丸最好味，加埋紫菜湯既鮮味，整體都幾滿意。
兩餸麵分別係魚片頭同雲吞，魚片頭魚肉比較淡口冇乜魚味，反而雲吞有驚喜，食得出足料大隻蝦，但湯底較清淡，同紫菜湯比差了一截。
抵食：三十幾蚊既午餐，係長沙灣仲有唔少其他選擇，只不過始終係老店，味道總有一定既保證，先至可以做到多年屹立不倒既。
