華南冰室 (已結業)

黎到这间充满街坊风味的茶记，主要想试试它的面包，通常旧式面包茶餐厅既鸡尾菠萝包都唔错既。试左华南既鸡尾包同菠萝油都的确系唔错，热辣辣又涨卜卜，出炉即食真系好精彩！另外老死试左个火腿通早餐，系最普通老牌茶餐厅级数，通粉好淋，而汤就系普通味精汤；肠仔同蛋都落太多油，唔系太好食。我地两个人一路食，一路睇住隔离枱既老街坊们都好享受枱面既包同热奶茶，好多都系自己一个人黎，但坐低就互相打下招呼，同店员吹下水。好大阵深水埗街坊人情味呢！应该将来都会间中黎咬个包，享受下街坊既爱。