雲南過橋米線

营业中

休息中

荃湾就出名多米线铺，总有一间喺左近，但呢间又真系几隐蔽， 喺郑享和街入面，附近一带都系车房同泊车位，唔细心睇都好容易Miss咗佢。不过今次有人特登带我过嚟食佢，咁就要试试佢。𠮶日就冇试米线，叫咗热拌粗薯粉同酸辣汤幼薯粉。韭菜饺好香韭菜味，食落去就知新鲜包，但系份量就比较少得两粒，卤水鸡脚就几入味，因为分开上，佢就冻咗啲，不过可以浸返落啲汤再食。粗幼薯粉都好烟靭，每条都好完整唔会断开，重点嘅系汤底，虽然睇落去好清，但系佢啲酸味系会涌出嚟，令到成个薯粉好开胃，不过辣味就争啲。