大囍牛雜粉麵

营业中

休息中

位于天盛街市既大囍粉面店都开左一段时间，今日屋企无煮饭就顺路过黎试试，之前都未食过，店面比较细得几张枱，都系小圆枱如果1个人黎搭枱都会坐得比较埋，好在而家有块胶板隔住。睇下餐牌比较特别就系有咖哩饭，不过经验所知系粉面店食饭多数麻麻地，所以食返粉面好了，另外要提下呢度既牛肚系用金钱肚，金钱肚相对来货较贵，食牛肚就抵啦。崩沙腩河见到有我近期钟意既崩沙腩，41蚊又几抵一于叫黎食，先讲讲汤底都算几清，味精应该唔太重，至于主角崩沙腩呢就比较弱d，有7块切得系比较厚，但食落比较老同鞋，无之前出面食过某店咁嫩滑，同埋筋膜位都唔见，肥膏位有少少，略为失色，河粉质素都比较一般，起初食还好，食到尾开始有d碎，比较一般未叫好差，埋尾都试下佢地既辣椒油，几香辣惹味。冻柠茶跟餐加5蚊有冷热饮，叫左冻柠茶少甜，茶味普通啦，粉面店加5蚊有冻饮其实几抵了。整体黎讲质素比较一般d，最靓既崩沙腩略为失望，但价钱算比较亲民，街坊楼上附近想食粉面都系几好既选择。