康記粥店 (已搬遷) 新店位置

吃完個大包，肚子已装不下太多東西，想過去旁邊吃吃熊貓咖喱都已經力有不逮了。很想吃一碗粥，就走入從未去過嘅京街一帶，坐低吃碗艇仔....店子很小，家族式經營，阿爸負責弄炸両腸粉，阿仔就負責淥粥，阿嫂就負責落單。對呢亭街坊小店，小弟總有一份好感....味道並不怎樣出色，粥底頗稀且無甚味道；料仍是普通嘅牛肉碎、豬皮條、魷魚鬚等，味道尚可；炸両有炸一及炸二嘅選擇，現在已沒有好多粥舖這樣細分了。雖然係即叫即做，但裏面油條嘅口感尤如隔夜的，又淰又韌，不過勝在熱辣辣的，且加了一點葱花及蝦米；豉油甜甜的，還不錯....相信若果早上上班前來，吃到新鮮熱辣嘅油器，印象及味道一定會更佳...