原味棧 (已結業)

红磡同土瓜湾一样，都系有好多呢啲咁样嘅小店。 唔小心行咗去后门入。今日系食小菜叫咗个鸡蟹煲小辣。 因为唔系麻辣锅所以冇麻味。 同平时嘅鸡煲有啲唔同今次加左蟹，有啲似系避风塘炒蟹mix鸡煲 ，个人几钟意呢个配搭，呢种辣亦更加惹味！ 除咗鸡好嫩滑，蟹好惹味之外，特别要赞嘅系入面啲三色椒都好清新！戚起条筋忽然间好想食蒸蛋，就叫咗呢个三色蒸水蛋， 话明系三式，除咗鸡蛋之外当然仲有咸蛋同皮蛋啦！ 不过不失啦。如果再话啲就更加好啦！男朋友话试下新嘢，所以叫咗呢个鸭煲。好耐冇试过咁样食鸭。卤得好入味！ 加埋啲豆卜食都几好！不过鸭既骨都真系几多！成日 要lur骨都真系几麻烦最后叫咗呢个小炒王，好似大排档食𠮶啲咁样好有镬气！西芹好清脆跟住加埋啲虾仁腰果，同埋带子，仲有少少辣，真系very good呀！送饭一流。呢度除咗小炒仲可以打边炉，我见到好多姨姨叔叔都系成班人咁样黎打边炉，似乎都系做街坊生意多。 我见佢打边炉啲海鲜都几新鲜，下次可以试下