肉骨皇 (已結業)

2020年3月14日。晴。大坑。去铜锣湾行街睇戏之前，决定喺大坑食咗嘢先呢边选择多啲～价钱又通常比铜锣湾平啲～一直行浣纱街，行到尾就见到呢间肉骨皇肉骨茶都系其中一样至爱～紧系𥄫下先喇～啱啱入到去未有人，但食食下成间full晒！睇嚟好受街坊欢迎～门口有易拉架show晒午餐精选～价钱非常相宜，抵食！入到餐厅，仲有其他a la carte可以拣～招牌肉骨茶，$118想咗午餐餐牌，想食肉骨茶，又想食猪扒饭，男朋友又想食喇沙。。。于是专登散嗌一个肉骨茶～呵呵！咁就可以满足晒三个愿望喇～肉骨茶入面有四嚿排骨、几款菇、豆卜，仲有杞子～汤系药材味浓郁，饮完即刻觉得好滋补～酸梅青柠梳打，特饮跟餐+$8男朋友嘅，佢话味道唔错～炸鸡翼，小食跟餐+$20老板话个鸡翼先用秘制酱汁腌过再煮！味道果然零舍唔同～沾埋鸡酱就perfect嘞咖哩猪扒饭，$58呢个瞩目嘅咖喱猪扒饭除咗造型赏心悦目之外，味道都好有特色！咖喱汁质地较浓，食落仲有花生酱味添～（唔知呢个系咪就系秘方嘅材料呢）猪扒亦炸到酥脆，同个酱好夹～白咖啡，跟餐热饮免费虽然系白咖啡，但唔会太甜饮咗都冇乜负担～海鲜喇沙，$68面底可以拣油面、米粉或者掺掺掺掺即系