好彩海鮮酒家

营业中

休息中

同朋友行开九龙城广场，未起行之前先去医病，我地呢D爱点心人，见到间茶楼就走入去食点心。虾饺：虾肉都好丰富，皮唔韧，不错，而且佢地可以净叫两只，O岩哂我地两个人，一人一只，可以食多D其他点心。鲍螺片烧卖：我好彩抢到鲍螺片，都几大块，都入味，同埋下面旧烧卖都几大旧.....晶莹三宝：系素粉果、芋头饺同潮洲粉果，三种选择，以素为主，适合我地怕肥人士。上汤浸觅菜：怕肥人士当然要食返多点菜，这个好明显很适合我们，10蚊一大碗，份量足，上面的秀珍菇都好爽口!埋单一人都系三十几蚊，饮餐茶算系咁，同埋可能都早，唔驶点等位。