稻香 (天瑞商場) (已結業)

茶楼的茶客都是街坊，大家都知道闲日上午11点半前埋单享有特价，平足20-30%！所以，闲日人好多，要等位，周末就人少啲。茶楼点心中规中矩，唔算精致，但有几款点心质量不错，每次都点。鲜虾腐皮卷我的No.1必点，去到边饮茶都点。腐皮卷又薄又脆，虾肉鲜嫩多汁，加入笋粒有层次感，点埋醋就一绝！排骨凤爪饭我的No.2必点，凤爪、排骨和豆豉的味道渗进白饭里，好味！食完呢两个点心已经饱~~金勾炸两肠肠粉包住油炸鬼，今次油炸鬼唔够脆，冇口感又冇层次感，差咗啲。鸳鸯双潮不过不失。农家肉饼饭肉质滑嫩，捞饭真系几好味。酱皇蒸鸳鸯掌我唔食鹅掌，但屋企人几欣赏，觉得咬下咬下几爽。