影片
更多
2010-02-03
5 浏览
寻晚途经深水埗, 想食个简单日本菜, 就同老婆冲左入黎原来大厨今日有朋友到访, 已经坐左三张大台, 人气叫嚣, 好不开心 虽然嘈左少少, 不过既然系开心气氛, 咁都唔好介意啦, 仲推动我唔好求其叫套餐或定食就算, 不如每样野都试下, 所以变左散叫. 问题黎了:1) 薄切左口鱼刺身 - 上菜时并不是一般既刺身而系淋上了一个不知名黄色的酱汁. 相信系厨师自己调教去配合道菜的汁, 咁都唔错吖, 第一个感觉良好, 起码有 heart. 但一食落口就出事 -- 点解完全唔配合既? 感觉好似系云里拿沙律酱加上了香草, 好甜; 都唔紧要, 但唔单止不能带起刺身既鲜甜味而反而盖过了, 更甚既系令鱼腥味走哂出黎!! 好唔得!!! 唯有拿拿声请侍应端来 wasabi 一碟. 女侍听到时还以为我地 "唔识得食", 但依家问题系个汁酱唔啱, 我要用豉油 wasabi "反盖" 过个汁. 咁样食法才能食到多少刺身既天然鱼味, 不过肯定对原本既味道打了不少的折扣 2) 三款寿司: 吞拿鱼, 鲷鱼, 海胆军舰 -- 除了海胆军舰尚算OK 外, 另外两者同百X 或惠x 既出品无分别 饭面亦没有涂上少少 wa
原来大厨今日有朋友到访, 已经坐左三张大台, 人气叫嚣, 好不开心 虽然嘈左少少, 不过既然系开心气氛, 咁都唔好介意啦, 仲推动我唔好求其叫套餐或定食就算, 不如每样野都试下, 所以变左散叫. 问题黎了:
1) 薄切左口鱼刺身 - 上菜时并不是一般既刺身而系淋上了一个不知名黄色的酱汁. 相信系厨师自己调教去配合道菜的汁, 咁都唔错吖, 第一个感觉良好, 起码有 heart. 但一食落口就出事 -- 点解完全唔配合既? 感觉好似系云里拿沙律酱加上了香草, 好甜; 都唔紧要, 但唔单止不能带起刺身既鲜甜味而反而盖过了, 更甚既系令鱼腥味走哂出黎!! 好唔得!!! 唯有拿拿声请侍应端来 wasabi 一碟. 女侍听到时还以为我地 "唔识得食", 但依家问题系个汁酱唔啱, 我要用豉油 wasabi "反盖" 过个汁. 咁样食法才能食到多少刺身既天然鱼味, 不过肯定对原本既味道打了不少的折扣
2) 三款寿司: 吞拿鱼, 鲷鱼, 海胆军舰 -- 除了海胆军舰尚算OK 外, 另外两者同百X 或惠x 既出品无分别 饭面亦没有涂上少少 wasabi 变成同任何平价寿司都一样. 吞拿鱼好淡色属下级货, 鲷鱼亦无鲜味. 不过每粒搓既手势都似唔错, 饭身结实, 不致完全失分
3) 烧物: 多春鱼, 大葱, 鸡软骨 -- 算系全晚最平均既出品. 多春鱼烧得OK唔干身但卖相唔太靓而偏焦黑. 大葱最好最似样, 而鸡软骨就明显系我系街市佳x 冻肉舖既行货.
4) 酒煮大蚬 -- 蚬就好大, 系街市买到既款式. 问题系: 话明 "酒煮" 点解个汤系奶白色而且似汤面既猪骨汤味道? 浓味汤撞新鲜海产日式煮法不可能带出好的效果. 个蚬虽然鲜甜但又被个错配既汤比了下去, 有点不值
5) 为求饱肚而叫既什菜 tempra 拉面套餐 -- 又出事. 套餐前菜既罐头粟米都唔讲咧, 但问题系侍应竟然入错单! 我叫拉面而出了乌冬. 都算了, 乌冬不是一般粗身既面而系薄身果款, 款式唔紧要, 但煮得过淋而且味道麻麻. 汤底既面豉汤又唔太靓又唔太够味. 而个 Tempra 上台时张吸油纸早已吸满了油, 卖相极差.
埋单走人, 加埋为了刺身而叫的一支清酒, 总共三百多元. 俾原本只打算食定食既用多了二百元.
严格黎讲, 我对今餐极度失望. 仲俾老婆哦足一晚, 话以后唔俾我拣去边度食日本野! 但问题反思一下, 一来价钱唔算太贵, 二来自问可能已经食奄尖了咀巴而宁舍挑剔. 更何况人地其实系主打街坊生意, 用料要因价就货都无可厚非. 仲有的是见到疑似主厨人物全晚都忙碌地招呼果三台"朋友", 相信出品都不是他的手工. 更甚的是其实或多或少都感到有"心"去做, 例如自行调教既汁酱及寿司的手工等, 都应该尊重既. 不过就觉得系有多少眼高手低, 而且破坏了我去发掘"出色无名小店"既期望. 所以喊面都系唔俾了.
张贴