櫻桃麵飽西餅 (已結業)

食开港式面包小店嘅人，应该一行过铺头就闻到佢专属嘅味道，系比较香浓嘅牛油味夹杂住少少香甜嘅味道，因为全部都系喺铺头里面制作好嘅。比起连锁店嘅蛋糕，呢间铺头嘅蛋味相对比较浓，所以切开之后望到黄色比较深。其实斋睇个样外表系就系冇乜惊喜，但系见到咁多咁丰富嘅水果颜色又鲜艳，都几满足嘅，其实食落去啲芒果仲好鲜甜好滑，蜜瓜亦都唔错，当然士多啤梨方面，系呢个价钱就唔会系畀日本嘅品种你啦，但材料之多可以话系对得住个价钱有突虽然忘记咗影相，但系里面蛋糕其实系冇偷工减料嘅，第一层就系鲜黄色嘅芒果，第二层系白色薄薄地嘅忌廉，第三层呢系相对厚小小嘅蛋糕，中间仲有一啲cream同埋芒果果肉粒粒，口感嘅丰富嘅食落亦都唔会太饱滞。有时候当转下口味，又或者支持下呢啲街坊小店，回味返呢种港式嘅专属味道，都会发现到大集团意外嘅小惊喜嘅。