林記車仔麵

营业中

休息中

听好多人介绍过哩一间车仔面店，今日一场黎到西湾河咁一于试下喇。其实价钱唔算平，但绝对系可以接受范围，而且份量好足，男女都绝对会饱🙆🏻‍♂️🙆🏻‍♀️。一共叫左三样𩠌，包括猪颈肉🐷、咖哩鱼旦同韭菜饺🥟，再配米粉加腩汁多青。汤头甜甜地，加左台上既秘制辣椒油，真系好惹味。而且由于加葱方面，老板娘一啲都唔吝啬，对于葱爱好者既我真系食到舔舔脷😋。至于𩠌菜，鱼旦就普普通通，唔系好入味；韭菜饺好饱满，馅料好充足；猪颈肉先系精髓，腌料好正，甜甜咸咸好似叉烧咁，肉质唔肥带有少少筋性，爽口唔韧好味！👍🏻整体黎讲唔算超级惊喜，但绝对系小店诚意之作。