泰軒美食 (已結業)

太安楼系每个西人(西湾河街坊)既必然蒲点，我都唔例外。而呢间泰国野系街知巷闻，根本唔驶咩装潢吸客，街坊熟客自会识来(大家都认得门口外个唔知咩佛像)，本人间中都会帮衬既。今日放工同同事黎，扫左阵街，都系入左黎坐，谂住食啲小食。两个人三个𩠌︰【鱼饼虾饼双并】，【马拉笺通菜】，同事仲加多碟【泰式猪颈肉】。鱼饼虾饼双并外层炸得相当香口，但不会油淋淋咁。虾饼切成乒乓般大，外面系金黄色，连内里既虾肉都打得爽脆滑漏，虾味甚浓而没有太多调味，Feel到本身既虾味。更欣赏鱼饼，外层没虾饼脆，但内有干坤，夹杂著既香茅、九层塔等香料，香气四溢，仲有一种不知名既豆，总之泰味十足，同鱼肉鲜味相辅相承，零违和感，点埋传统既酸辣酱，没甚么可挑剔。马拉笺通菜嫩绿得很，无乜粗身既茎，甚至叶比茎多，岩我口味。上碟已知颇有镬气，炒功有昔日街边大排档8成，菜吸收马拉笺鲜咸加上微辣非常可口，如要挑剔就系略为咸了半点，但瑕不掩瑜。泰式猪颈肉本身我系唔食既，睇落好似有啲太干身，但同事话食落比卖相软稔多汁，个鱼露酱沟得唔错，有些许辣椒干葱，有提鲜效用。所谓泰式应该指个酱汁吧？三样𩠌埋单200，唔贵，质素很不俗，比起九龙城名气泰国食店