影片
更多
2018-01-31
431 浏览
天气话冻就冻，夜晚收工又攰，好多人都落酒楼食饭，我都唔煮饭喇，结果去到酒楼，真系要等位，不过都唔系等咗好耐，等咗十分钟左右，执完枱，就即刻比我入座。入座后，二话不说即刻点菜，因为在等的时候已在外面睇晒餐牌，街坊酒楼有个好处，就系晚晚有著数，实会有啲特价嘢益街坊，点咗羊腩煲，特价十蚊一煲，两个人可以叫一煲，另外再点晚市特价猪软骨煲62蚊，可以拣蒜蓉、茄子或黑椒煮法，还有水煮牛肉 78蚊，我选大辣，因为天气冻想食辣嘢。因为呢晚真系好多人，上菜慢少少，之前食过知道有糖水送的，请侍应可否先上糖水，侍应服务好好，即刻装两碗糖水畀我哋顶肚先。羊腩煲到啦，十蚊一煲都算畀足料你，有六嚿羊腩，好多支竹，两旧马蹄，在临上菜前洒上京葱 ,附有腐乳酱，视乎个人口味，需要才点来食啦。羊腩已经炆到好林，上菜仲可以用火庆热食，在冰冷的天气，实在好温暖，推介！抵食！水煮牛肉大辣，好失望！因为知道呢间酒楼煮广东小菜系唔错的，但系，做川菜实在太差了，完全不是那回事，我期望是满江红，有辣椒，有花椒八角，浸住牛肉，可以辣个够，但是点了大辣，都只有小辣，而且边度有水煮牛肉系用翠玉瓜来煮的？不过牛肉质地还好，是新鲜的，几滑，没有
入座后，二话不说即刻点菜，因为在等的时候已在外面睇晒餐牌，街坊酒楼有个好处，就系晚晚有著数，实会有啲特价嘢益街坊，点咗羊腩煲，特价十蚊一煲，两个人可以叫一煲，另外再点晚市特价猪软骨煲62蚊，可以拣蒜蓉、茄子或黑椒煮法，还有水煮牛肉 78蚊，我选大辣，因为天气冻想食辣嘢。
因为呢晚真系好多人，上菜慢少少，之前食过知道有糖水送的，请侍应可否先上糖水，侍应服务好好，即刻装两碗糖水畀我哋顶肚先。
羊腩煲到啦，十蚊一煲都算畀足料你，有六嚿羊腩，好多支竹，两旧马蹄，在临上菜前洒上京葱 ,附有腐乳酱，视乎个人口味，需要才点来食啦。
羊腩已经炆到好林，上菜仲可以用火庆热食，在冰冷的天气，实在好温暖，推介！抵食！
水煮牛肉大辣，好失望！因为知道呢间酒楼煮广东小菜系唔错的，但系，做川菜实在太差了，完全不是那回事，我期望是满江红，有辣椒，有花椒八角，浸住牛肉，可以辣个够，但是点了大辣，都只有小辣，而且边度有水煮牛肉系用翠玉瓜来煮的？
不过牛肉质地还好，是新鲜的，几滑，没有用过量的松肉粉来腌过，还可以吧！唯有当广东小菜吃啦。
呢个都系特价小菜，猪软骨煲，我选择用茄子煮，够大煲，猪软骨炆到好林，蒜蓉酱汁够味，茄子都唔会林晒，仲有啲爽口，呢个推介！
埋单加一加茶位共$176, 两人酒楼晚餐算几平，不过个水煮牛肉令我失望，呢餐要扣分。
张贴
