龍寶酒家

营业中

休息中

每逢放假🎉，都会好想去饮茶☕️。相信呢个念头系好多香港人🇭🇰身上都会发生，今日就去到一间喺#观塘 、#土瓜湾 、#长沙湾 、#葵芳 都有分店嘅酒楼，好好享受假日时光💕。今次就嗌咗一个🔴沙律大明虾角($31.8)、🟢鲜虾菜苗饺($27.8)、🟤蜜汁叉烧肠($27.8)、🟡脆皮烧乳鸽($37.8)、🔵豉椒鲜鱿炒河($98)。三样点心(明虾角、菜苗饺、叉烧肠)普普通通😆，不过材料数量札实。食落口，有大大只虾仁🦐，多多嘅菜苗🌱同埋叉烧，所以食落都唔差😋。脆皮烧乳鸽🌟🌟🌟🌟烧得几好🔥，望落外皮油油地，成只乳鸽唔会瘦削，好多肉🤤，同时好juicy。食落口，外皮口感相当脆，而里面嘅肉质鲜嫩，点上淮盐之后🧂，更有一番风味！豉椒鲜鱿炒河🌟🌟鱿鱼🦑嘅量都几多，成碟嘅份量够3个人share。虽然话系炒河，但明显望到豉椒同河粉系分开炒🧐(甚至怀疑河粉只系灼过)，再淋上豉椒同鱿鱼。所以食之前，要好好捞匀成碟🥢。豉椒同鱿鱼味道唔错，咸甜适中，鱿鱼口感爽口弹牙🤩。但河粉就一般，用上汤河嘅幼身河粉，有啲仲「痴」埋一堆。