上海廳1930 (已結業)

三人行过喱间上海店门口，发觉装修都有d特色。门口呢个摆设都有d东方色彩。入面都算宽敞，有圆枱亦有卡位，适合不同人数进餐。下午茶时段，当然要睇吓有乜可以选择啦。发觉配搭都有好多款，重有冻豆浆送添。呢个担担面，份量系小d，可能系下午茶挂。辣度适中，大部份人应该可以接受。配料都系大路野，睇相都会明晒，畧带点花生酱味，ok嘅。红豆沙包外面有d甩皮甩骨嘅感觉，d红豆沙甜度算适中，衰在半冻唔热，冇左刚刚蒸起嘅感觉，好食度大打折扣。 雪菜肉丝面普通过普通，冇乜卖点，祇可以用清清地嚟形容。蒸银丝卷又系半冻不热，俾人有种唔新鲜嘅感觉，冇可能话好食啰。嫩鸡烩面不过不失，调味都可以接受嘅，唔会太咸。鸡就讲唔上嫩啰。全部野都冇乜亮点，衹属街坊食店水平。落单𠮶位侍应不但笑容欠奉，重好唔耐烦𠮶只，要改进吓喇，记住我地系消费者嚟㗎，都系你个米饭班主。