廣記粥店

营业中

休息中

有啲时候，一个人系唔会有心情去research 某区有乜嘢好食，可能系唔想俾钱食好嘢，又或者唔想嘥时间去抵食嘅名店排长龙。今日路过粉岭，点都要有嘢落肚，就走上联和墟街市楼上求其揾间ok 多人食嘅坐低。阿姐话过咗午市，只系得烧味饭或盅头饭，以粥铺嚟讲都算多元化。就要个叉烧烧鸭饭，跟冻豆浆，盛惠$32。虽然系烧味饭，呢碟嘢都几多菜。街坊食堂嘅份量当然非常充足。叉烧比较瘦，亦无乜蜜汁香，烧鸭不过不失。反而豆浆唔错，够冻唔太甜。呢个价钱嚟讲，交足功课。