民華魚蛋粉麵

营业中

休息中

约左旧同学食晏再去打波，其中一个同学一向好钟意喺呢头买盅头饭食，民华系佢其中一个热选点。 外面成日都有街坊排队买外卖盅头食饭。粉面饭外，有最出名又高质嘅常餐。 沙嗲牛肉面，面质够弹牙。炒滑蛋蛋味香浓。我地今日仲拣左其他嘢。蚝仔粥出奇地大碗，蚝仔外型饱满，味道鲜甜。 汤底亦都几好味。西多士系即炸热辣辣，加埋牛油同炼奶净清汤牛筋腩 同样系大份量，牛腩牛肋都好多。 牛腩够腍，牛肋胶质好重。 不过好似有点太大旧，最好再切细少少，始终呢头都好多老街坊。净云吞有六粒，每粒都好巨型吓。 入面有好多猪肉同虾，难得系无乜肥猪肉，抵赞。热柠檬可乐煲姜唔系度度有，仲落足料。咸柠七就原罐雪碧加原个柠檬。坐得系会比较迫，但嘢食真心好食，价钱合理，难怪成为街坊食堂。