香辣鮮

营业中

休息中

假日的节奏就系唔想买唔想煮唔想洗碗，所以去咗屋企附近解决食呢个问题啦！哈哈！因为唔系话好肚饿嘅关系，但又唔想成日食茶餐厅，最终就去咗食鸡煲啦！我同妹妹两个人就点咗半只咸酸菜胡椒猪肚鸡煲同一份招牌炸猪扒！ 😝😝😝《咸酸菜胡椒猪肚鸡煲》🌟未开始食鸡煲前，先浅尝一下佢个胡椒猪肚汤底，饮落个胡椒味几浓郁，而且带鸡嘅鲜味，不错！另外鸡件都好滑，件数都唔少的！仲加入大量嘅咸酸菜，难怪成煲满满的，坚足料呀！👍🏻👍🏻👍🏻《招牌炸猪扒》🌟果然系招牌炸猪扒，肉质唔太肥亦唔鞋身，食落香口又唔太油腻，食晒都唔会太有邪恶感的！Hahahaha…😆😆😆虽然简单两样食物，但可能全部都系肉嘅关系，已经将我哋喂到饱饱了，埋单都只系二百零蚊，真系好抵食呀！个次嚟到因为烤鱼卖晒，未有机会试到，下次再嚟一定要试烤鱼…😍😍😍