東城酒家 (已結業)

去完旅行返黎，想食返啲香港美食，突然想食点心，去左呢间街坊酒楼食，训左一个长觉，起身好肚饿，叫左好多嘢食。鸳鸯烧卖，两样都唔错，黄色果个肉几爽口，另一款牛肉烧卖，就同山竹牛肉差不多，都对味。左上 鲜竹卷 好唔得，包得好松散，馅系韮菜同虾，唔似平时嘅料，亦无咁丰富。右上个红油炒油个味亦古怪，个汁似豉油。萝卜糕普普通通。咸水角几松脆，热辣辣，味道似样，呢个好抵食。凤爪较深色，味道普通。叉烧肠，都算几多馅。鸡扎件鸡几滑，有火腿冬菇同鱼肚。当我地饱饱地时，最后先黎个鱼香茄子炆米，份嘅份量非常多，净系呢碟都够两个人午餐，但料就偏少，食落个味都唔错，如果料同粉比例平衡啲就好啦。