樂樂冰室

营业中

休息中

周末入去上水行山，出发行山前谂住揾啲好嘢食，喺水货街附近兜咗一个圈，最后就决定入呢一间乐乐冰室试试。老实讲，呢度冇咩冰室嘅感觉，都系一般普通茶记feel。好耐之前听过呢度焗猪扒饭出名好食，但行山前废事食得咁heavy，所以就无叫到。入到去就正正常常唔算多人，好在都叫做有卡位坐吓舒服啲。坐低睇餐牌发觉都几简单，早午餐同下午茶都系同一个餐牌，另外仲有个午餐餐牌，但其实都只系得四个选择，略嫌单调。我哋就简单叫咗个腿蛋丁同奶油包，见到佢哋标榜系用本地鲜鸡蛋，但食落都冇咩特别，个人觉得都系日本蛋好味啲，奶油包就正正常常，但啲奶都唔系落得多，同其他餐厅唔同嘅系呢度啲方包系厚切，份量变相可能会多少少。饮品方面叫咗杯冻华田同热奶茶，茶记嚟讲都算OK啦。但两个咁普通嘅餐就食咗$70我就觉得个价钱唔算太街坊啰。