影片
更多
2021-12-01
184 浏览
今日放工想食点心，谂起九龙城嘅《誉满》，之前喺旧舖无论堂食定外卖光顾不下廿次，亦都带过屋企人同朋友去饮早茶或食点心宵夜，以前见佢人流好旺，都冇谂住写食评，今日第一次到新舖帮衬，同老板倾偈，知道佢哋舖位搬咗嘅原因系因为有咗宋王台地铁站后，原本嘅舖位俾业主收番，虽然同旧舖相距只系半条街，但新嘅舖位人流明显比旧铺少，好靠熟客继续支持， 所以希望写篇食评支持下呢啲人情味浓浓嘅细舖仔今日照旧叫咗我喺呢间舖嘅至爱 - “青芥末子母虾饺”同”蟹籽蒸烧卖”。仲叫左香口嘅”烧汁鱼茸茄子”同”香脆韭菜角”。同埋试咗”葱花虾米肠”青芥末子母虾饺 🦐🥟呢个点心卖相可爱，每只虾饺上面都孭住一只青芥末酱BB饺，kawaii ne 🤱🥟~~ 食嘅时候要有技巧㗎，一咬落去要同时咬开阿妈饺同BB饺，令到啲芥末酱混入虾饺嘅馅料入面一齐食，我每一次食都有惊喜嘅感觉，话时话，真系好似未喺其他点心店食过呢个配搭！虾饺皮够薄系基本，呢个独特嘅配搭系佢令我久唔久想返去再食嘅最主要原因！蟹籽蒸烧卖 🦀🐷呢度嘅点心即叫即蒸，火候啱啱好，烧卖虽然冇大惊喜，但符合哂我嘅要求：够热、咸淡适宜、馅料冇肥肉，够俾一个赞👍🏻烧汁鱼茸茄子 🐟🍆每
今日放工想食点心，谂起九龙城嘅《誉满》，之前喺旧舖无论堂食定外卖光顾不下廿次，亦都带过屋企人同朋友去饮早茶或食点心宵夜，以前见佢人流好旺，都冇谂住写食评，今日第一次到新舖帮衬，同老板倾偈，知道佢哋舖位搬咗嘅原因系因为有咗宋王台地铁站后，原本嘅舖位俾业主收番，虽然同旧舖相距只系半条街，但新嘅舖位人流明显比旧铺少，好靠熟客继续支持， 所以希望写篇食评支持下呢啲人情味浓浓嘅细舖仔
今日照旧叫咗我喺呢间舖嘅至爱 - “青芥末子母虾饺”同”蟹籽蒸烧卖”。仲叫左香口嘅”烧汁鱼茸茄子”同”香脆韭菜角”。同埋试咗”葱花虾米肠”
青芥末子母虾饺 🦐🥟
呢个点心卖相可爱，每只虾饺上面都孭住一只青芥末酱BB饺，kawaii ne 🤱🥟~~ 食嘅时候要有技巧㗎，一咬落去要同时咬开阿妈饺同BB饺，令到啲芥末酱混入虾饺嘅馅料入面一齐食，我每一次食都有惊喜嘅感觉，话时话，真系好似未喺其他点心店食过呢个配搭！虾饺皮够薄系基本，呢个独特嘅配搭系佢令我久唔久想返去再食嘅最主要原因！
青芥末子母虾饺
2 浏览
0 赞好
0 留言
蟹籽蒸烧卖 🦀🐷
呢度嘅点心即叫即蒸，火候啱啱好，烧卖虽然冇大惊喜，但符合哂我嘅要求：够热、咸淡适宜、馅料冇肥肉，够俾一个赞👍🏻
蟹籽蒸烧卖
6 浏览
0 赞好
0 留言
烧汁鱼茸茄子 🐟🍆
每碟有三件，未上枱离远已经见到三件鱼茸茄子胀卜卜咁，因为刚炸起，所以新鲜滚热辣！要小心翼翼地细细啖咬，茄子皮同鱼胶炸到脆口，鱼胶仲食到一阵好香嘅陈皮味，烧汁嘅味都调校得好好(不过茄子系比较吸油嘅食物，每人一件啱啱好，但如果两个人去食，要食多过一件嘅话，就要饮多两啖茶、去一去油腻喇～）
烧汁鱼茸茄子
10 浏览
0 赞好
0 留言
香脆韭菜角 🥬🥟
呢个系我朋友嘅至爱，每次同佢嚟都必叫呢个点心，只饺子炸到金黄色，饺皮超脆，食嘅时候会索索声㗎！虽然都系一碟三件，但系如果钟意食香口野、又钟意阵韭菜味，一个人K.O.晒成碟都仲得！😜
香脆韭菜角
9 浏览
0 赞好
0 留言
葱花虾米肠 🦐🌯
呢个肠粉都系我第一次叫，份量比想像中多，绝对为今餐提供足够嘅淀粉质！🤪 冇叫饭，冇叫包，就可以叫呢个嚟填饱个肚，呢个肠粉有跟埋碟甜酱麻酱俾你自己点，我就用咗烧汁茄子嘅烧汁去点喇
～如果佢可以再多啲葱花同虾米就好la～
葱花虾米肠
9 浏览
0 赞好
0 留言
虽然转左舖位，食物水准依然保持。虽然新舖冇旧舖咁大，但环境整洁光猛，点心姨姨亲切殷勤，希望未嚟过嘅朋友都嚟支持下啦~~~💪🏻💪🏻💪🏻
张贴
