英王麵包店 (已結業)

上文提要吓，事缘小组简简单单搞饮茶，嚟到九龙城广场嘅佳宁娜，为咗顺道帮埋是月生日嘅组员庆祝，一早预订好英王面包店（A1 Bakery）嘅蛋糕，就晌九龙城广场嘅分店取货，当作饭后甜品。朋友所拣嘅喺「石板街」朱古力忌廉蛋糕（$188，早一日预订有九折），有蛋糕食，当然皆大欢喜 。饼面有朱古力忌廉唧花、棉花糖、杏仁、朱古力豆做装饰，买相唔算好花巧，但都几精致，尤其对小朋友而言，已经相当吸引，加上当作生日蛋糕，个个争住吹蜡烛。切开个「石板街」结构好简单，朱古力海绵蛋糕配朱古力忌廉，中间嘅朱古力忌廉加有棉花糖、朱古力粒及杏仁粒。啖啖都充满朱古力香 ，海绵蛋糕入口松软，朱古力忌廉打得亦够软滑，味道不俗，当然，惊喜欠奉。虽然A1有唔少分店，亦喺大集团支持，集团旗下更有唔少品牌，不过，要做到包饼界「阿一」（A1）还有段极漫长之路 。