黑木 (已結業)

今日男朋友话带我去食好西 黎咗呢间厨师发板日式餐厅到食晚饭 餐厅座位就唔算多 所以最好要订枱话明厨师发板 我哋乜嘢都唔使烦 一坐低就有嘢食 一共食咗大概十款嘢食 特别深刻嘅有汁烧鲍鱼 因为鲍鱼新鲜 又大只又厚肉 保留到鲜嘅鲜味另外串烧鸡肉棒都好味 够肉汁 仲配左一只溏心蛋沟埋食另外仲有一种串烧系烧豆卜上面加咗啲蟹膏蟹肉 豆卜烧到卜卜脆 面头铺满蟹肉蟹膏 令人回味无穷而肉类嘅串烧亦有虾酱烧猪腩肉 又香又惹味 食完好多款嘢食之后仲有个白姬松茸白布乌冬作为淀粉既主食 咁大块乌冬我都系第一次食最后甜品仲有焦糖烧菠萝同埋红豆配绿茶蕨饼作结 菠萝上既时候仲出紧烟 够甜 好满足