一漁外賣壽司 (已結業)

近几年新开嘅街市，往往都会有一条"食街"，有好多唔同嘅外卖店，车仔面、两𩠌饭、饺子等等应有尽有，之前见到开咗呢间寿司店已经想试下，今日终于有机会了。餐厅除咗刺身同寿司外，亦有唔同款式嘅饭，每个饭餐仲包纸包饮品或面豉汤。杂锦刺身丼 : 卖相色彩缤纷，刺身有三文鱼、带子及吞拿鱼，配上玉子及青瓜，面头再铺上满满嘅蟹籽，非常丰富。刺身每样都好新鲜，配埋醋饭食一流。日式叉烧丼 : 日式叉烧好淋好入味，加埋日式甜豉油，非常开胃；另外仲配上大量嘅菜，令整体感觉清新同无咁油腻。饭餐加15蚊可以配一份蟹肉忌廉饼，喜爱炸物嘅我地梗系要试下。蟹肉忌廉饼即叫即炸，返到屋企都仲系热辣辣，入口外脆内软，有好浓蟹味，每人一件真系唔系几够喉。太卷 :一份有四件，大大件包住玉子、青瓜、蟹柳及蟹籽，味道唔错。