泰蓮 (已結業)

以前隐藏喺未装修前启田街市入边，都已经好多人入去食，不过地方就会比较狭窄，地方湿滑，通风系统比较差，夏天时更加要一路食一路流汗，就算系咁，都系营业多年嘅泰式粉面。街市重新装修后，以为唔再开，点知原来小店搬到街市对面，店舖重新营业，隐藏在大厦巷仔内，环境虽然都唔算太好，但都设有座位，通风较以前好D，就好似坐喺路边泰式大排档咁，都几有风味。小店以往最出名泰式炸咸肉，仍然有卖，每日新鲜即炸，放喺店面见到都觉得脆卜卜！装修后，价钱比之前有所提升，汤底亦好似较以往淡D。