大利美食中心 (已結業)

老妈子话唔煮饭，我二话不说就同老妈子讲去食羊腩煲因为旧年食过好食，老妈子亦都话好。得两个人叫野唔得多所以叫多个朋友一齐，3个人7点钟去到都已经坐左好多人不过仍然有位。大利位于市政大楼里街市楼上，大排档型式，空间非常之大，日间有其他店舖营业，晚市就由大利用尽整个场。叫菜，1. 羊腩煲(细) - 大量枝竹配合姜/葱/冬菇等配料，保持水准超好吃，不可不食。2. 烧鹅(例牌) - 皮薄肉嫩够入味，好吃，但叫例牌较多是骨。3. 味菜鹅肠 - 鹅肠爽脆入味，味菜亦不太熟仍爽口也不会太咸，好吃。4. 西洋菜 - 羊腩煲无菜跟需要另叫，西洋菜当灶够嫩够滑加上羊腩汁，好吃。另叫了啤酒及汽水。放眼食客大部份是街坊及工友，街市大排档之环境卫生当然谈不上，有洁癖朋友不会喜欢，但小菜水准极高。