兩合海鮮火鍋飯店

营业中

休息中

街市熟食中心卧虎藏龙，细个嘅时候中意系依度食饭，久别重逢当然要大吃特吃，多数小菜一百蚊有找，十分抵食。茄子牛仔骨煲茄子煮得软腍，牛仔骨亦够入味，肉质唔韧，水准之上。平凡小菜韮菜猪红小小辣，好开胃。椒盐九肚鱼即叫即炸，外脆内软，亦唔会过咸。家乡蚝砵其实同砵仔焗鱼肠相差唔多，不过焗蛋口感粗嚡，而且蚝仔量少，反而陈皮好多。油盐水浸大蚬蚬肉肥大鲜甜，亦干净无沙。白灼墨鱼味道清淡，配上Wasabi及刺身酱油，带日式风味。比起大牌档，呢度嘅室内环境较为舒适，更重要嘅系佢充满童年回忆。