芽莊城越南牛肉粉 (已結業)

嚟亲深水埗，自然想去呢间喺熟食街市入面嘅平靓正越南餐厅。虽然坐得唔系好舒服，同埋喺街市入面，但呢度啲嘢食好平。我每次嚟亲都系食生牛肉汤河，或者扎肉捞檬，今次就试下香茅猪扒配越式春卷饭。猪扒大大块，春卷够脆又多料，饭又多~最正系伴碟嘅酸萝卜任食，酸度适中，非常开胃，老板娘见我添完又添都无话我，仲问我要唔要多啲，简直系爱啊哈利！食完之后，饮埋杯冻柠茶，非常满足，加埋老板娘满满嘅人情味，下昼充满力量去开工！