韓米 (小西灣廣場)

营业中

休息中

有次路过街市见到呢间韩式外卖店好吸引，直到今日终于有机会可以买嚟试吓。爽脆白萝卜 - 味道好酸好开胃，咬落索索声好爽口。牛肉便当 - 便当附有几片黄萝卜，味道无白萝卜咁酸比较易入口。饭系用珍珠米煮特别好食，牛肉味道甜甜地捞饭一流，两样都塞到满一满份量十足。炸饺子外皮炸得好香脆，中间嘅馅料系韭菜。炸紫菜粉丝卷外脆内软味道都唔错。芝士牛肉紫菜卷 - 成条紫菜卷都好足料，握得够结实唔会一夹就散。食落味道好有层次，有青瓜萝卜丝嘅清新，牛肉嘅鲜甜，仲有芝士嘅芝香味。鱼饼汤 - 呢个虽然只得一串，但已经够塞满成个盒仔。鱼饼有四五款唔同色/唔同形状，每款都够烟人入味。萝卜吸收晒汤嘅精华特别鲜甜！