順鑫腸粉佬

营业中

休息中

呢间肠粉佬小食店简直系穷人恩物，因为佢嘅价钱实在太经济，深受街坊欢迎，有好多老友记买完𩠌都会买返几蚊肠粉黎医肚呢！肠粉佬嘅选择好多，除左肠粉受欢迎之外，仲有烧卖，辣鱼蛋，粉果，牛肉球，煎饺，萝卜糕，连薄餐都有，每样都系几蚊就有交易，无论系医肚定口痕想揾野食，呢度都可以满足到你今次就点左肠粉，烧卖，粉果，牛肉球黎做午餐医医肚喇！肠粉一如以往嘅好，唔会太厚粉嘅感觉，呢个价钱有咁嘅质素，唔怪得咁多街坊帮衬喇！而且肠粉酱汁系好味嘅，尤其系麻酱，点多酱就一定无错喇！至于烧卖，个人觉得蒸得较干身，但烧卖口感唔错！牛肉球及粉果都同普遍嘅小食店差唔多！呢间小食店嘅店员好好人架，好多人排除都买好几款食物，佢地走黎走去好忙，但都好好礼貌