影片
更多
2021-09-28
137 浏览
🕰🎞📠时兴vintage又点止著衫， 一直听讲Oldish 风评颇佳，内外兼备，终于可以体验下佢复古嘅装修，英伦风嘅食物～闻名不如见面，果然好食又好影，Instagram-able又budget-friendly🤤cp值爆灯呀🌟🌟🌟Black Truffle Egg Benedict🍳作为一个松露控我觉得可以再多啲再香啲🤭不过瑕不掩瑜，水波蛋嘅嫩同牛油果嘅滑，好突显到烟三文鱼嘅香浓，配埋brown bread 嘅口感简直绝配🍞份量比想像中大！其实我同朋友两个女仔食呢份都已经五成饱😵💫事关佢唔止摆心机喺Egg Benedict呢个主角度，sides嘅salad and chips 都好足料🍟油醋酸味适中，值得一提嘅系佢一上枱真系热辣辣香喷喷！应该系即炸㗎❤️🔥Tom Yum Spaghetti🍝 我同朋友都系重口味人士，逢辣必点，有冬荫功意粉当然不容错过～虽然冬荫功嘅pasta或者risotto 宜家喺市面上都越来越普及，但好食嘅就真系唔常见🤔食完oldish 嘅冬荫功意粉就发现原来秘诀系在于要够creamy，佢就100%做到喇😋好神奇地奶香味浓，口感顺滑而唔黏口，仲要同时都够辣，但又
时兴vintage又点止著衫， 一直听讲Oldish 风评颇佳，内外兼备，终于可以体验下佢复古嘅装修，英伦风嘅食物～
闻名不如见面，果然好食又好影，Instagram-able又budget-friendly🤤cp值爆灯呀🌟🌟🌟
Black Truffle Egg Benedict🍳
作为一个松露控我觉得可以再多啲再香啲🤭不过瑕不掩瑜，水波蛋嘅嫩同牛油果嘅滑，好突显到烟三文鱼嘅香浓，配埋brown bread 嘅口感简直绝配🍞
份量比想像中大！其实我同朋友两个女仔食呢份都已经五成饱😵💫事关佢唔止摆心机喺Egg Benedict呢个主角度，sides嘅salad and chips 都好足料🍟油醋酸味适中，值得一提嘅系佢一上枱真系热辣辣香喷喷！应该系即炸㗎❤️🔥
Tom Yum Spaghetti🍝
我同朋友都系重口味人士，逢辣必点，有冬荫功意粉当然不容错过～虽然冬荫功嘅pasta或者risotto 宜家喺市面上都越来越普及，但好食嘅就真系唔常见🤔食完oldish 嘅冬荫功意粉就发现原来秘诀系在于要够creamy，佢就100%做到喇😋好神奇地奶香味浓，口感顺滑而唔黏口，仲要同时都够辣，但又唔会麻🌶坊间嘅冬荫功意粉通常都只系味道稍微沾边而毫不神似，令人失望，呢碟就一致经过我同朋友两个辣妹嘅认证喇💯
Oldish Chicken Wings🐓
食完个冬荫功意粉开咗个胃就嗌多咗份小食，睇餐牌唔留意，但原来呢份鸡翼都系微辣㗎，我同朋友嘅口水即系飞流直下三千尺🤤一碟共五只鸡翼，我好欣赏佢一碟小食都有唔少沙律，食翻啲菜好似健康啲咁🤣同埋有啲沙律清新啲都可以同佢嘅酱汁平衡一下🥗虽然佢嘅香辣主要系源自于浓厚嘅酱汁紧密咁包裹著每一只鸡翼😍但食得出佢本身都有落唔少香料腌肉入味，俾足心机～另外鸡翼唔会太细只，而系好有份量啖啖肉值得一赞🍖
Oldish Tiramisu🍩
睇佢个样咁有特色就知，呢度嘅tiramisu 绝对系招牌菜～唔好以为中间无啦啦开个窿系喺度扮冬甩，其实系用嚟倒double expresso 㗎☕️表面满满嘅可可粉足料到好似放题咁，第一啖食噣亲我🥴提醒大家一定一定要记得闭气食😂不过食多两啖就理解到佢用心之处喇，真系好浓好浓可可味！🍫中间嘅饼一开始雪得有啲太硬，不过慢慢咗吸收expresso之后就每一啖都享受到唔同嘅口感喇～香浓嘅咖啡配上顺滑嘅芝士仲有松脆嘅手指饼干，唔同嘅软硬度系唔同嘅幸福🤎
传闻tiramisu 系一位妻子为咗即将上战场的丈夫做嘅，系一份充满爱心的甜品，象征咗「带我走」，食完呢份甜品我就想打包一份带走多啲喇🥺
Black Truffle Egg Benedict & Tom Yum Spaghetti
12 浏览
0 赞好
0 留言
Oldish Chicken Wings
$78
7 浏览
0 赞好
0 留言
Oldish Tiramisu
$78
9 浏览
0 赞好
0 留言
张贴
