食記餐廳

营业中

休息中

黎到南区做嘢，梗系要去鸭脷洲大街食嘢，呢度除咗卖海味，其实都仲有好多隐世美食。今日要介绍嘅呢一间「食记」，老店铺位于大街街角！售卖嘅港式小食包款式多多，肠粉、炸鱼旦、炸烧卖、炒面⋯⋯通通都相当街坊价钱，所以帮衬嘅都睇得出系附近居民同学生。事不宜迟，叫左碗生菜鱼肉，热辣辣再加啲胡椒粉同麻油，成个汤都变得好香浓，鱼肉入口弹牙而且好有嚼劲，个人几钟意个种烟韧口感，值得推介！另外仲叫咗一碟炸鱼旦，一碟十粒开边炸，食落特别有中学时代周街食嘅个种风味！总结一下，其实呢间都仲有好多唔同小食，今次都是不过系小试牛刀，下次有机会会试埋其他！