影片
更多
2019-12-16
653 浏览
好耐无同大学朋友聚餐，难得终于约岩时间，就花少少心思揾间好食处一齐围炉。漫无目的东找西找，揾到呢间新开无耐嘅小餐厅，地理位置都算方便，朗屏站 B2 出口沿天桥行大概10分钟左右，见到惠康后转入后街就系。餐厅面积唔算大，装潢简约，色调以石屎灰、纯白为主，坐得都算舒服。同埋可能新开无耐，客源有待增长中，所以聚餐当天同朋友倾耐少少都唔怕有客人等位搞到要赶住走。🤣临近圣诞嘅关系，店员一开始有介绍圣诞套餐 setsss，不过因为同行嘅友伴战斗力都唔算强，所以我哋最后散叫：头盘系烧鸡胸·凯撒沙律（HKD68）、小食要咗黑松露芝士薯条（HKD48）、主食就清清地要烤鸡胸配野菌意大利饭（HKD82）、另外再要多个风干火腿玛嘉丽塔薄饼（HKD88）。烧鸡胸·凯撒沙律胜在够 light，因为我个人好怕又滞又溜嘅沙律酱，菜几新鲜、爽脆，不过伴随嘅溏心蛋就略嫌咸咗少少，同鸡胸烧到有啲啲干。然后黑松露芝士薯条就系理想与现实嘅差异😂🙈，我哋叫之前，想像系原切薯条，然后有一大pat 溶咗嘅芝士酱淋喺面；而结果却系普通size 嘅薯条、再加洒咗啲芝士粉喺面。其实都好食嘅，只系同预想嘅有少少出入啫😂。同埋现实呢个版本都
临近圣诞嘅关系，店员一开始有介绍圣诞套餐 setsss，不过因为同行嘅友伴战斗力都唔算强，所以我哋最后散叫：头盘系烧鸡胸·凯撒沙律（HKD68）、小食要咗黑松露芝士薯条（HKD48）、主食就清清地要烤鸡胸配野菌意大利饭（HKD82）、另外再要多个风干火腿玛嘉丽塔薄饼（HKD88）。
烧鸡胸·凯撒沙律胜在够 light，因为我个人好怕又滞又溜嘅沙律酱，菜几新鲜、爽脆，不过伴随嘅溏心蛋就略嫌咸咗少少，同鸡胸烧到有啲啲干。
然后黑松露芝士薯条就系理想与现实嘅差异😂🙈，我哋叫之前，想像系原切薯条，然后有一大pat 溶咗嘅芝士酱淋喺面；而结果却系普通size 嘅薯条、再加洒咗啲芝士粉喺面。其实都好食嘅，只系同预想嘅有少少出入啫😂。同埋现实呢个版本都有一个好处，就系食多几条都唔会觉得滞（相比「幻想版」应该食多两三条就感「不了」😂）。
喜出望外嘅系个意大利饭，煮得岩岩好，唔会水得滞，粒粒饭都有芝士汁包围，而且调味适中，同行朋友都好钟意。
至于薄饼方面实测过真系可以拉丝！薄底pizza最合心意！虽然配菜唔多，但因为有风干火腿吊味，味道简单得嚟又够滋味。
最后嘢饮方面，试晒两款沙冰：香蕉士多啤梨沙冰、杂莓沙冰。见住店员真系放啲生果入搅拌机去搅，感觉好健康😂！香蕉士多啤梨味道清甜，质感好绵密。至于杂莓，亦即蓝莓就味道真系好蓝莓😂，虽然好似讲紧废话，但真心蓝莓沙冰味道相对清新好多，无任何人工甜味嘅感觉，健康一族大推可以一试。
大家去开元朗就撑下小店啦！
烧鸡胸·凯撒沙律
$68
22 浏览
0 赞好
0 留言
黑松露芝士薯条
$48
24 浏览
0 赞好
0 留言
烤鸡胸配野菌意大利饭
$82
24 浏览
0 赞好
0 留言
风干火腿玛嘉丽塔薄饼
$88
12 浏览
0 赞好
0 留言
张贴
