Yaki Biru (已結業)

自己从未去过居酒屋，但今次经过喺呢间可以对住条街食嘢嘅居酒屋，就畀佢吸引咗入去，居酒屋嘅特色应该就系可以令你坐喺度倾计，然后周围嘅环境令你觉得 好舒服 好悠闲。 如果当正餐黎食，可能会觉得佢唔够，但系如果宵夜嚟讲二个人食个2人餐就啱啱好 我哋两个人就叫咗个二人餐，238蚊包咗火锅 同埋串烧 小食。有好多小食都好想试，我哋拣咗蒜味螺肉，虽然同出面买到嘅差唔多，但系环境令佢的味道唔同左，好食左 。我哋拣咗豚肉同埋3.6牛乳锅，豚肉分量二人黎讲就比较少，但系蔬菜份量就几足够。牛乳锅就比较浓有啲油，但系如果做汤底嚟讲都几好饮，每一啖都系牛奶的味道，又有d香味。串烧胜在味道都唔错，七味猪颈肉好弹牙，而且多汁，出边有时会好干。烧翠玉瓜同冲绳烧菠萝就好juicy 盐烧鸡肾都好爽口。整体黎讲，四周环境好舒服，休闲吹水啱啱好，野食质素都唔错。