強記美食 (已搬遷) 新店位置

由新同乐门口街边档开始食到而家，少说都有十几廿年。其实呢度选择唔多，个人推介糯米饭、煎肠粉同喳咋。糯米饭只在天气凉时供应，够油份配料又足，加条润肠就非常正。煎肠粉可以煎到旧旧有少少焦，加埋豉油麻酱辣酱香脆又好味。喳咋煲得够香，唔系太甜又落齐料，好多人就咁食碗大的都会饱饱地。环境一般，无冷气之余可能仲会坐后巷渠边，来得要有心理准备。价钱唔太平，以上三款食齐要成四十蚊，绝对不是街边野价钱。但都其门如市好多拥趸，食唔食得过就自己决定，本人就间唔中都会去整碗喳咋同糯米饭至安乐。