多寶美食

营业中

休息中

多宝美食喺佐敦嘅时候我已经成日帮衬，最近佢仲搬咗去太子金鱼街，更加近我，当然要多啲嚟帮衬支持下。食物仍然系咁缤纷，每次我都会拣好多款。搬咗新舖，但食物依旧，系令人怀念嘅味道。就算而家喺街唔方便食嘢，都坚持一定要食佢哋嘅驰名炸大肠，新鲜食外皮卜卜脆，我就钟意加甜酱食。鱼肉碗仔翅嘅鱼肉份量超多，而且够弹牙。牛丸总共有4粒，而且超大粒，粒粒够入味。山根索哂汁超够味。烧卖一串有5粒，口感弹牙，混入少少辣汁好正！鱼蛋同样5粒。墨鱼弹牙又入味。水鱿鱼就爽口卜卜脆。牛柏叶沾满酱汁味道冇得弹。