艋舺ㄟ雞排 (已結業)

铜锣湾本身有好多街头小食，我成日去行街嘅时候，都系帮衬街头小食就解决一餐，早两日见到新开左呢间鸡扒，原来喺台湾好出名，一试之下真系觉得几好味㖞，忍唔住买多咗2块返屋企比小朋友试下。鸡扒有6个口味，我最钟意紫菜味，可能我钟意食紫菜，觉得好夹同埋味道更加惹味，出面真系无食过咁好味鸡扒。原味其实都好好味，外脆内软，鸡肉好juicy 仲要超大旧，成只我手掌嘅size ，食完一件已经好饱肚，但芝士鸡扒一定要即场食，每啖鸡配半溶芝士，好香好好味。另外炸鸡髀鸡亦，真心比起KFx好食得多，好香脆鸡仲要好滑，呢个size 算系口痕之选，配埋炸粟米芯，做下午茶啱啱好。