十八座狗仔粉

营业中

休息中

今日夜晚去咗睇戏，睇完已经9:30pm，都冇乜好嘢食啊，所以就去咗呢一间18座狗仔粉，一直听闻呢间系攞咗米芝莲嘅，所以都想试好耐啦！入到去原来可以拣堂食，虽然坐得就一般不过呢啲街头小食有得坐都算唔错㗎啦，拣咗呢一个招牌嘅驰名狗仔粉，仲有炸黑白双丸添。驰名狗仔粉一食落去就感觉得到真系有用时间整嘅，相当有心！餐厅入边不停有播片话可以试吓加辣菜蒲，话呢一个先系狗仔粉嘅灵魂！试咗少少，其实系几好食，但系真系辣到阿妈都唔认得！炸黑白双丸系即叫即整嘅，热辣辣好好食！仲叫咗两支凉茶，冇额外加糖得来又好饮。埋单都系$50一个人，下次要试埋佢个火鸭翅先！