財記美食

营业中

休息中

呢间财记，以前系观塘有分店，当时啲食评有赞佢嘅常餐茶餐味道唔错又抵食，一直想试但到佢执左都未试。见佢新蒲岗有间，终于揾到机会去。佢价钱系好相宜，叫左鸡脾薯条茶餐冻柠茶都系$34。份量系多嘅，先讲薯条，直薯条，有落椒盐，但好快就淋，一般。只鸡脾就好差，反转好油，个面又见到有啲好浅色嘅血水，心知不妙⋯⋯食落就知系啲变坏左嘅肉，有少少酸粟味，唉，嘥左我个quota，食左几啖我就真系无再食，我真系怕肚痛⋯⋯调味亦都唔好味，偏咸。其实我去食野都唔系太介意地方差啲嘅人，讲真，如果我系好介意嘅，见佢门面就唔会行入去。但一路食都有几只乌蝇飞来发去，又有小蚊滋停系我身，再加上肉唔新鲜，几样野加埋一齐，真系感觉好差。参考其他食评，或者小炒先系佢强项。