十兄弟車仔麵 (已結業)

同朋友系湾仔收工揾嘢食啦。上网就揾到呢间车仔面好似几出名下。食饭时间都有啲人流，不过唔洗排队。入到都算企理干净，冷气又够，算舒服。咁坐低就扫QR code落单啦，每人叫一碗58蚊八宝面。嚟到正正常常，但食落就知嚟料啦。唔知系咪因为佢地生意好，啲𩠌都唔系淋嘅，尤其系萝卜同猪皮。萝卜中间好硬、猪皮又好韧，完全唔好食。坐我地隔离有个姐姐，佢仲惨。个姐姐叫菜底，但啲菜心唔熟都系硬嘅。而且食食下佢碗嘢仲有一只甲甴仔游紧水。讲真你58蚊都唔可以话平啦。但啲食物质素同卫生咁样真系好唔掂。服务更加不值一提，两个人扫同一个QR code，临尾系用八达通分单畀又好似唔多高兴咁。要我地下次提早讲。不过放心，绝对冇下次。