醉翁亭火鍋館 (已結業)

早几日第一次试醉翁亭，观塘分店，本身都正正常常，食食下发现碟鱼上面有烟灰！！唔系零星少少，系一大段！朋友反应太快个女侍应即刻收走左！影唔切相！已经觉得好匪夷所思，今时今日，仲要系喺商场入面嘅餐厅，唔系大排档，竟然会有烟灰出现系食物入边，太过分！到最后埋单，另一个阿姐摆低张单，我咪拎黎睇，个阿姐转个头就喺我手上面抢走张单，叫我埋咗单先！我同佢讲我要睇紧张单，佢竟然答我下乜你要睇单呀？ ！而家去食嘢睇单唔系有问题呀嘛？ ！我签卡，个阿姐碌完卡，拎返本簿过嚟俾我签名，但一只字都唔讲，本簿仲要系闩埋队俾我。真系孤陋寡闻，我人生喺餐厅俾咁多次钱、签咁多次卡都冇试过有人嘅服务态度可以差到咁！收钱𠮶个仲要应该已经系高级啲！从此blacklist！