影片
更多
2020-12-01
1670 浏览
观塘返工揾食嘅少不了食吓冰室茶记，今次就去咗红茶附近呢间乐天冰室试吓，见佢午市都系会有人龙排队应该都受附近嘅打工仔欢迎嘅！由于早餐食得太饱，所以只嗌特餐轻食啲就算！嗌咗个特餐C沙嗲牛面加煎蛋火腿，$47价钱都ok。特别在多士可拣普通版或蒜蓉版！当然唔执输拣个蒜蓉特别啲～上菜都算几快，最快到系沙嗲牛面，接住就系多士煎蛋，多士蒜蓉味好香，一边烘得香脆，另一边就较淋，唔知会唔会关掂到煎蛋个啲油事，如果下面个边多士都烘耐啲就会更好食！煎蛋蛋黄液好流质，煎得刚刚好，不过我更爱㶶边蛋啊！沙嗲牛面一开始唔会太淋，但其后被热汤浸耐咗就会淋咗，所以都建议快啲食完佢就最理想！沙嗲牛好香带甜，肉质都嫩嘅又无筋，份量都适中，唔会食到一半就无晒牛。曾经食过一间啲牛肉好多筋真系搞唔掂！食食吓个面时杯热柠水就嚟咗啦！睇到真系吓亲，侧边系好多污垢，水面满布油嘅踪迹，好明显睇得出，加上依家疫情笼罩，最好都系注意吓啲碗碟杯嘅卫生啊！本身都有挣扎需唔需要当面反映，但一嚟赶时间，二嚟佢换咗比我都未必想饮！所以干脆直接唔饮摆系侧边算！希望店家会注意返，为咗个多士我都再帮衬嘅加上价钱都ok，但可能短期内唔会去住！
由于早餐食得太饱，所以只嗌特餐轻食啲就算！嗌咗个特餐C沙嗲牛面加煎蛋火腿，$47价钱都ok。特别在多士可拣普通版或蒜蓉版！当然唔执输拣个蒜蓉特别啲～
上菜都算几快，最快到系沙嗲牛面，接住就系多士煎蛋，多士蒜蓉味好香，一边烘得香脆，另一边就较淋，唔知会唔会关掂到煎蛋个啲油事，如果下面个边多士都烘耐啲就会更好食！
煎蛋蛋黄液好流质，煎得刚刚好，不过我更爱㶶边蛋啊！
沙嗲牛面一开始唔会太淋，但其后被热汤浸耐咗就会淋咗，所以都建议快啲食完佢就最理想！沙嗲牛好香带甜，肉质都嫩嘅又无筋，份量都适中，唔会食到一半就无晒牛。曾经食过一间啲牛肉好多筋真系搞唔掂！
食食吓个面时杯热柠水就嚟咗啦！睇到真系吓亲，侧边系好多污垢，水面满布油嘅踪迹，好明显睇得出，加上依家疫情笼罩，最好都系注意吓啲碗碟杯嘅卫生啊！本身都有挣扎需唔需要当面反映，但一嚟赶时间，二嚟佢换咗比我都未必想饮！所以干脆直接唔饮摆系侧边算！希望店家会注意返，为咗个多士我都再帮衬嘅加上价钱都ok，但可能短期内唔会去住！
张贴
