Cafe Pho 1975 (已結業)

谂住好耐冇食过越南嘢，咁就嗌咗牛爽腩汤河，火车头汤河，鸡丝扎肉捞檬，外卖拎翻屋企食啦。一开始食都觉得冇咩嘢，味道一般，正常普通越南嘢。点知食食下碗捞檬，竟然有旧发泡胶喺入面，仲要旧发泡胶啡啡黄黄咁。即刻当堂觉得反胃，入厕所呕返晒啲嘢出嚟🤮🤮🤮。返出嚟都冇晒任何食欲，叫屋企人连埋两碗汤河全部倒晒佢。食物嘅处理竟然咁儿戏，尤其系捞檬呢啲冷盘，大部分食材已经冇用高温去处理过，容易有细菌，而家仲要有垃圾喺入面，食物卫生十分恶劣。以后经过呢间餐厅都只会谂起碗发泡胶捞檬，以后都唔会再帮衬。