西九漢堡 (已搬遷) 新店位置

上网见到好评就过海黎食，原来系最顶楼美食天堂果层，上到去好多选择，心郁郁想食麻辣同水煮鱼，但最后都忠于初衷试左呢间汉堡。叫左一个汉堡餐转黑松露薯条，另外要一个$98鸡翼桶，要等十五分钟。呢度无得俾八达通，电子收费只系收Alipay 。俾完钱行左个圈返去铺头门口等，望下店员整野食，点知唔见好过见，个女店员唔戴手套，用手拎块芝士放系炉上「辣」一「辣」，再放上个包，之后又用手「督」唔个薯角定炸鱼块睇下热未，救命呀！然后跌左野落地下执完又唔洗手，唉！依家疫情呀大佬，提高少少卫生意识好唔好，起码你都戴返对胶手套先啦。食物品质方面，觉得黑松露薯条同辣味鸡翼可以试下，牛肉汉堡唔觉得惊喜，仲有啲干，Burger King 果啲一定好过佢。